先唔好屌我或者負皮我住先
，
早前我同個揸輕鐵既fd傾過下，以下係佢一啲睇法。
求下你地唔好再撲輕鐵既月台設施同售票機啦 ，
雖然對MTR黎講不痛不癢，但一部出入站機閒閒地都要成5000幾蚊架，
呢啲售票增值機直頭皮幾野一部，唔好亂撲啊，
但以上都係啲濕碎野，爛左都唔緊要，但以下既野真係唔好撲啊！
以下既野真係唔好撲啊！
以下既野真係唔好撲啊！
以下既野真係唔好撲啊！會嚴重影響到輕鐵行車架！
呢個係波口，輕鐵轉左定轉右都係靠佢架，
如果撲爆左波口隔離個箱，咁佢就冇得發左發右，
轉唔到方向對輕鐵黎講好嚴重架。
藍色呢舊野係一個信號接收器，基本上每個波口附近都一定有佢。
佢會將輕鐵掉落去既信號傳到去波口，從而控制波口發左定發右。
如果撲爛左佢，收唔到輕鐵信號既話，波口就會唔識郁，
如果再撲爛埋波口隔離個箱，到時就連手動推波口都唔得，就好大獲架啦。
橙色呢舊同樣都係一個信號接收器，
每個同輕鐵有交匯既路口附近都會有佢。
輕鐵經過橙色盒既時候會掉信號落去，從而去攞路口既燈，
如果佢爛左既話，咁輕鐵每逢經過路口就會冇燈，
分分鐘真係搞到輕鐵大塞車呀。
白色果舊同橙色盒係兩兄弟，負責用黎取消返過完既路面燈。
一個係路面燈，一個係波口方向燈，
萬萬唔好撲佢地呀，輕鐵冇左佢地真係行唔到車架。
求下各位連登仔高抬貴手，放過輕鐵。
我都求下大家，真係唔好撲啊 。
／／
以上內容轉發自LIHKG，資料未經確實，只供備份參考。
上述內容並不代表本站立場
https://lihkg.com/thread/1621927/page/1
來源 source: http://lam777.com
|
鍾意就快D Share啦！
|
|
|
