大家仲記唔得記得邊個係曾上游呢？上年曾經有唔少報導出街，指呢位25歲嘅曾上游話自己靠做兼職買五個物業，引起咗討論一排嘅個位私影Model呢！唔記得唔緊要啊，佢最近喺Instagram 拍咗條片，以藝人仔同Model仔嘅身份話有啲嘢要同示威者講喎！以下整合咗個文字版，以防大家未必想開聲聽哂！大家睇下佢講得有無道理
VIDEO: https://www.instagram.com/p/B2ZWLesAKaU/
曾上游：
「好憎班示威者，好憎佢哋點解要個個星期都要喺到搞示威，你哋口口聲聲話啲警察濫權，但其實你哋有無諗過，你哋唔係和平表達訴求，你哋係用一個好暴力嘅方法，例如係掟磚，破壞公物啦，走去掟汽油彈啦，縱火啦，其實呢啲係會危害到社會安全，所以我覺得香港啲警察去執法拘捕啲示威者好合理。」
「香港警察已經非常之溫柔，你哋口口聲聲話追求民主，歐美國家聲稱好民主啊，你哋試下唔好喺香港示威，睇下嗰邊嘅警察點樣對你哋⋯⋯我相信個邊警察唔係放催淚彈咁簡單，佢哋會⋯⋯射真槍，射真子彈，射瓜你哋班死人曱甴！」
「呢班示威者唔可以代表香港嘅主流意見，佢哋多數都係讀緊書、唔洗做嘢、靠屋企人養嘅青年人，但其實大部份嘅香港人，佢哋只係想安居樂業，搵到兩餐飯食，搵到錢去供樓，供養屋企人，你哋無野做唔緊要，但係你哋唔好阻住香港人搵食，我有時星期六日出去油尖旺，我見到原本係好旺嘅時段，但係無人消費，一個二個剩係掛住示威，其實我見到個啲鋪頭真無覺得好心痛，佢哋一個月要交成十幾廿萬租，無咗咁多營業額，等執笠香港好快就會有失業潮。」
「你哋班示威者，你哋啲父母如果失業嘅話，邊個養你哋啊？一個二個乞米啦曱甴！所以其實我覺得呢班示威者咁不滿香港政府，香港呢個情況，不滿香港係中國一部份，其實我非常之建議你哋移民去歐美國家囉！如果移民唔到嘅話，你哋話香港應該學烏克蘭嘛，你哋就去烏克蘭女嘅過去⋯⋯賣子官囉，唔該你哋唔好再喺香港搞示威，其實香港真心唔歡迎你班曱甴講完！」
四分鐘長嘅影片入面，曾上游曾多次形容示威者係死人曱甴。其實除咗呢條片段，曾上游都多次喺Instagram 撐警，亦都話香港人醒少少嘅話，早幾年開始喺大陸投資房地產，而家就發咗達俾到香港嘅首期咁話喎。
雖然曾上游喺咁鬧示威者，但佢接受傳媒訪問時，被問到支唔支持逃犯條例通過？佢就話如果「逃犯條例」通過咗佢就唔買樓，唔通過佢先會買，佢話自己以投資角度去分析，因為如果過過咗，香港個經濟會因為社會同政治因素而致唔穩定。
![]()
![]()
![]()
![]()
![]()
![]()
![]()
Source:[email protected]
來源 source: http://www2.iso2.cc
|
鍾意就快D Share啦！
|
|
|
