2012年落選港姐楊斯雅 (Cindy) 離開無綫後，開設性商店，又做Youtuber。為求高點擊，Cindy經常拍片談性論愛，爆娛樂圈中秘聞，早前便試過爆男星「呃蝦條」的手法，指對方專食兄弟女友、老婆。最近她又以「雞，女星全部都是雞？」為題，驚爆在電視圈疑有女星賣淫，更聲稱有視后級女藝人被富豪包養，直飛去澳門「送外賣」。
Cindy聲稱據她所知，真是有女星「拋個身出嚟做」，她說：「明做嘅呢，係有一個，佢唔算好出名，但係做咗好多年㗎喇，佢有模特兒咁嘅魔鬼身形，同埋好姣好誘人嘅面孔。據講收10萬蚊一晚，至於其他暗地裏喺度做嗰啲咁就唔清楚喇。我相信有嘅，但係咪好多呢，但就唔覺。」
Cindy覺得女藝人做雞不多，但會求包養，希望找一個好歸宿，如富豪小三或金融才俊。她說：「好多金融才俊都鍾意包明星，佢哋好有錢唔係，可能係10萬8萬一個月，我曾經聽過一個金融才俊嘅friend講呢，佢係有一個小花，二線啦，但做咗好多年，都中年35、6歲，對方開價4萬幾蚊一個月，我個friend又覺得幾抵喎，但唔包括住、行同包包，剩零用錢4萬幾蚊。咁求包養就唔同做雞，因為係男女朋友，唔代表有性關係，咁就可以生活無憂咁，繼續追求個一線夢。」
到戲肉，Cindy 大爆視后級女藝人亦被人包養，她說：「呢位係一線中嘅一線女藝人，貼士係佢好多年冇公開戀情，但暗地裏佢係被包。點解大家發現唔到呢？原因係佢被包養嘅金主唔喺香港，而係喺澳門，佢每次去澳門送外賣，佢都會簽富豪嘅單。而佢每次坐直昇機過去，咁啱我又識得直昇機個空服，所以知佢被包就爆畀我知。跟住有個女藝人曾經同我講過，曾經收過一啲報價，100萬元去7日。」
Cindy 最後就話自己都收過報價：「其實我都收過一啲報價，inbox，咩50萬一晚，但你唔係做嗰啲嘢啲人，就算1,000萬，你都唔會想做。」是真是假大家只能自己估。
影片:
|
鍾意就快D Share啦！
|
|
|
