hi 大家好，我係元朗千色阿伯段片嘅片主，尋日響fb upload完之後，估唔到咁多人討論兼上埋連登。我本身擺上元朗group，以為係元朗街坊先有興趣，亦都係諗住佢地當中會唔會有目擊者，或者會唔會有人認得個阿伯，知唔知佢有冇前科之類。連登舊ac已經唔記得email係乜，唯有申請過新ac出post。
尋日我連續影咗三段片。一開始我響caption有講，fb唔畀我upload多過一段片，所以淨係up到嗰一段。後來網媒hk01有朋友問我拎片，我有畀晒三段片，出街係有剪接嘅版本。但我都見到好多討論嘅人可能只係睇過fb嗰一段片，又話唔知前傳係點。有時響網絡世界，資訊傳來傳去，好容易好亂，或者令到每個人睇到嘅資訊都唔同，令討論都變得混亂。我見連登今日都有好多comment，我諗我應該upload番完整片段會好d。
事件經過：
地點＋時間大家有晒。過程都係影到幾多，我就見到幾多，唔詳細覆述。當時路過，聽到好大聲，見到阿伯扯住黃色衫男件衫，再加上黃衫男疑似同行女友人都影緊，於是我又開始影。人物有黃色衫男＋佢太太＋多於一名疑似同行女友人。
後來停機係因為警察到左。我聽到警察問阿伯咩事，阿伯淨係話「拉人」之類（其他已經因為隔住人，聽唔清楚了），後來警察亦都有話阿伯講來講去都講唔到咩事；然後有叫坐響度嘅阿伯企埋一邊先再傾，阿伯拒絕。然後有警察叫圍觀者走開，唔好阻住做嘢，睇嚟我有片都幫唔到佢手，阿伯又無啦啦因為冇左隻拖鞋而響度嘈，我見到隻拖鞋，執番畀佢就算，然後就走左。戴眼鏡嗰個男人早過我走左。
點解要響連登出post？
我發覺響fb出嗰一段片之後，開始多人睇多人share，就有人偷片兼偷caption，然後再upload，咁樣好似可以扮到自己係目擊者咁。跟住亦有fb page 將段片笠埋自己個水印，然後呃到好多like同埋share（即係不問自取，拎來賺流量、賺錢）。
所以我想講，我只有三段片，前傳（5分05秒）+fb片（2分24秒）+後續（40秒），前傳及後續兩段片係而家第一次upload，亦都冇再響其他地方upload。不問自取是為賊也，請勿偷片。
去片：(1)
(2)
(3)
|
鍾意就快D Share啦！
|
|
|
