如果有長者犯錯，暴力處理是否恰當？一條《元朗阿伯與人爭執》嘅短片，昨日惹來網上激烈爭議！有網民直指阿伯「恃老賣老」、「依家廢佬大晒呀?」、「先撩者賤」，亦有網民覺得咁對一個老人家太過份。
事源係咁… 據目擊者講昨日3點幾喺千色匯外，阿伯唔知因乜事，突然追住人哋個老婆影相，個女仔一路避，但嗰個阿伯仲跟住。排隊買雞蛋仔嘅老公(即黃衫男) 見到就走過去叫阿伯刪咗啲相，之後兩人就發生爭執、阿伯話:「我70歲喇」… 之後嘅情況就係影片所見咁。
有網民補充指喺個阿伯郁手先，佢曾捉住人哋老婆隻手，又揮拳擊向黃衫男頸部，之後就扯住黃衫男件衫。
此時，一名戴眼鏡的四眼仔加入戰團，不停大聲責罵黃衫男：「咁都唔應該打阿伯呀！」又謂「60幾歲啦，打唔打得死你呀？」「佢點樣唔啱，都係阿伯呀！」有旁人亦連呼黃衫男嘅行為「好蝕底」。
黃衫男突然面對群眾指證，顯得非常無奈:「點解會係我錯嘅？」最後四眼仔發起投票，希望在場人士決定四眼仔係咪有錯，但圍觀嘅十幾人中，連阿伯都只係有3人舉手 !
警方事後指曾接獲一名26歲女子報案，指其28歲丈夫於排隊其間與一名67歲老翁發生爭執，警方到場調查，事件無人受傷及被捕，列作糾紛案處理。
爭執片:
來源 source: http://circle01.life
|
鍾意就快D Share啦！
|
|
|
