.readmore-wrapper.show{display:block!important;}.readmore-wrapper.hide{disp ...
元朗路德會西門英才中學學生在 Facebook 專頁「名校Secrets」發文，大嘆學校政策不合理，指上周四（16日）氣溫逾攝氏30度，但下午時「中央宣布」，因有同學着冷衫，若下午出現同樣情況，今日全日下晝就會熄冷氣 !!!
原文:
小弟第一次開post，想講下我校今日（2019-05-16 32℃）發生嘅事。 小弟今日喺課室食lunch (lunch time 13:00-1405)，大概13:45嗰陣有中央宣佈，就話：「今日天氣炎熱，學校已經爲同學開冷氣，但仍見到同學著冷衫，如果下晝再見到相同狀況的話，今日全日下晝就會熄冷氣。」
本身以爲係阻嚇學生，叫學生離開課室就除冷衫。點知過咗唔夠30秒全校中央冷氣熄曬，除咗教員室。」可能你會話，學校做得啱喎，凍就應該熄冷氣，唔好著冷衫。
但我個point係：一，每班個冷氣溫度係完全唔同，以我個班同我坐個位爲例，冷氣較17℃，但我個位吹到正，冇 remote control 可以較高冷氣溫度。二，人人身體狀況唔同，連冷衫都唔比人著係咩事？
之後 lunch time 完咗我哋有堂讀報(14:05-14:25)，讀報嗰陣又中央宣佈：「承上宣佈後，我哋將有訓導巡各班同學是否仍著冷衫，如果仲有，將不開啟。」而訓導個樣係不滿咁上嚟巡，因為佢都好廢解校長嘅做法。點解我肯定係校長做，下段分解。最後學校都肯喺14:20開返。但成件事係多舊魚、九唔搭八。佢唔比冷衫嘅定義係不論是否在冷氣或室外狀態時都不應穿著，換然知，個十九校長朝早巡樓嗰陣應該見到有人著冷衫所以咁做。
至於我上段說係十九校長做，因為以往都有類似無謂事件發生： 1. 「擔心學生凍親事件」上年1月左右有幾日堅凍，但其中一日早會十九校長就無啦啦叫所有老師去檢查各位學生是否有穿著校褸，話校褸能保暖，加上流感高峰期，所以身體健康狀況緊要。同時又要確保每位學生有購買學校校褸。但好笑係唔著／冇就會記名，記名超過3次會比人罰去留堂室。 2. 「廁所清潔時間」早幾個月冇啦啦又加親規距，我哋小息表面有。
熄冷氣事件引起好多學生不滿，搞到連家長都投訴，最後學校就出通告解釋:
![]()
《東方日報》上年就做咗個街訪，到底啲女學生喺37度嘅夏天仲着冷衫係咩玩法？
