前晚愛滋病研究基金會（amfAR）在尖沙咀舉行嘅慈善籌款晚會，邀請咗唔少城中名流及國際紅星獲邀出席，包括德國超模Heidi Klum、美國歌手Pharrell Williams、韓星河智苑、韓團EXO成員張藝興、劉嘉玲、關之琳、呂良偉伉儷等，晚宴主席徐子淇及老李家誠、副主席甄子丹及老婆汪詩詩、榮譽主席何超瓊當然亦有到場。
但汪詩詩昨日喺 IG 開名鬧「原本是十分支持慈善活動，但換來的是被 Mr. Boose 及其團隊令人無言的對待，從來冇想過，今時今日，尤其是在我們的家，會親自體驗到如電影所描述的事情。今晚我們被一個海外機構歧視。」仲 Hashtag #中國人不是東亞病夫 。
原來前晚甄子丹不忿遭 amfAR 晚宴招待歧視，所以拉大隊離場，而正喺門口未入場嘅呂良偉伉儷都跟大隊一齊走。
汪詩詩話:「之前溝通已經好多問題，我覺得如果我係外國人，佢哋唔會咁對我。我哋入去 Ballroom 被質問：『晚宴未開始，點解你哋入咗嚟？』現場好混亂，又冇人指引我哋，之後有人向我介紹主辦單位嘅大老闆，佢個眼神同態度好差，令我感覺侮辱同不被尊重，佢哋對外國人同韓星態度好好。根本係歧視中國人！唔可以接受，所以晚宴未開始，我哋全家走咗。咁耐以嚟，我哋從來唔會咁做，但我係中國人就唔應該坐低，而且我要面對仔女，唔想畀佢哋覺得我哋要接受呢種不公平對待，我坐低就對唔住我嘅仔女。」
amfAR 公關事後就解釋:「我問詩詩點解走？佢就講句『唔好意思』，之後我入到場問何超瓊，點解子丹佢哋會走，有人同我哋講，佢枱位置好唔靚。當時冇人知道佢哋係星，當咗佢係一個普通賓客，當然我唔知點解發生咁嘅事，但係聽嘉玲姐咁講，去呢啲活動係要自己照顧自己喇，後尾冇人帶佢哋入去，可能座位唔靚，冇人幫佢哋協調，詩詩就聽到Mr. Boose 講咗一句『求其畀個位佢』。」
何超瓊即幫手補鑊，將自己位於台中央位置的枱讓出兩個位給子丹夫婦，但甄子丹就話:「多謝你，大家姐，你好客氣，不過唔好啦，因為我對於今日嘅安排係唔高興，我多謝你嘅好意。」
網民回應:
「佢出撚晒名串同麻撚煩架啦」
「唔怪得咁多人話甄子丹大排」
「笑撚咗… 佢以為自己係巨星人人都識」
「估唔到何超瓊咁撚有錢同地位，會走去讓位比宇宙丹一家坐」
「劉嘉玲見慣大場面, 同汪詩詩高下立見」
「乞客咪呢啲囉! 」
「其實明唔明咩叫東亞病夫？唔清楚唔好亂用，本身一詞係用嚟批評腐敗嘅政府。定係你自己自 high 要自辱下先？」
|
鍾意就快D Share啦！
|
|
|
