| 早排同大家講完10月27日Apple可能會發布新嘅MacBook Pro，其實Microsoft喺今日亦有一個發布會，而且仲傳聞會推出一系列Surface產品同Windows 10更新。 雖然Microsoft冇正式講過及布會內容，但傳聞會發表「Surface Studio」同「Surface Dial」。事關The Trademark Ninja發現1個月有一間斯洛文尼亞公司咗註冊「Surface Studio」同「Surface Dial」商標，而呢間叫公司Zikov Mijatovic & Partners，追查之下發現原來有60%嘅Microsoft商標都係透過呢間公司註冊。除此之外，The Trademark Ninja仲發現Microsoft喺10月14日親自註冊埋「Surface Laptop」同「Paint 3D」商標添。 咁Surface Studio同Surface Dial會係乜呢？有分析就話Surface Studio將會係代號「Cardinal」嘅all-in-one PC，而Surface Dial則係手機。前者我覺得好大機會，因為已經流出過鍵盤設計同專利圖。反而Surface Dial係手機可能性唔大，因為說好的Surface Phone已算係胎死腹中。隨住Nokia出走在即，加上Micosoft表示過Windows Phone將來會淡出大眾市場，轉向企業客戶，所以Microsoft對手機市場已經心灰意冷，短期內都未必會再玩手機。 至於Surface Laptop註冊就應該係cover返Surface book嘅註冊，而Paint 3D反而值得留意。因為之前已經傳出過Microsoft有意為「Paint」升級，即係Windows內置嘅「小畫家」。暫時Microsoft對傳聞冇正面回應，只係話到時大家就會知道答案。 |
來源 source: http://menclub.hk
|
鍾意就快D Share啦！
|
|
|
