「分手後一分鐘，便有後悔聲音……」
分手後兩個月，便能參透佛理……
Stephy同方力申自3月17日正式發表分手聲明後，instagram一直都冇動靜，今日終於有update喇！
佢post咗張水滴嘅相，caption寫咗一段令人睇唔透嘅潮文﹕
「一加一是一
像一滴水落入一滴水
也像一滴水落入一杯水
或是一滴水落入海中
在它融入的那一剎 就是永恆⋯」
好多人都唔明呢句「1+1是1」何解，有人留言問:「第1100個post? 所以才說1+1？」也有人留言:「解釋pls」、「咁樣對小方，太過份。」佢做咗啲咩對小方呢？呢位網民似乎好清楚。亦有人說:「即係話要同類先溝得埋囉，一溝埋就係一世。好明顯萬刀甲識游水但唔係水囉！」「一加一會是一，需要有一個前提，就是兩個相加起來的本體的狀態要相配吧... 水跟冰，水冰跟氣，氣跟水，都是h2o，但要和起來的話，彼此還是需要在對的時間遇上... 趕快笑起來吧，我們一直都在。」似乎說中了Stephy心事。
原來「一加一是一」係佛偈，Stephy透過WhatsApp回應話﹕「是佛理 看書看到的 只是分享一下」。Stephy係咪想透過呢段說話帶出佢同小方嘅關係縱使分開咗，但依然身處同一個時空入面一喺埋一齊呢？就好似一滴水，一杯水，大海，都係由水組成，完全係在於你嘅觀點與角度。就好似《守麥望田》嘅歌詞所講﹕「水蒸發成雲，雲拋棄的雨，也許來自你的汗」即使兩人狀態有所改變，仍然處在球上之上，不用分得那麼細
鄧麗欣（Stephy）和方力申的十年情已逝，Stephy被爆疑忽然轉「性」有斷背新歡，跟排球教練鄧衍敏（小牛）蜜遊台灣，昨日一對舊情人先後現身機場，卻無緣相見似真的緣盡！由台返港的Stephy自分手後首開腔，兩度落淚喊到鼻紅紅，澄清小牛隻是普通女性好友，自己跟小方能否復合只能隨緣，對於小方分手後借酒澆愁，Stephy黯然說：「知道佢身邊有朋友陪佢傾訴！」
現年32歲的鄧麗欣和36歲的方力申未能好好戀愛，於本月17日發聲明宣告十年情告終，之前傳小方沒計劃結婚兼不思進取令Stephy心死求去，怎知日前驚爆Stephy疑有斷背新歡，跟排球教練小牛蜜遊台灣攬腰餵食。昨午5時許，Stephy結束台灣之旅抵港，分手後首接受傳媒訪問，戴黑超著黑長褸的Stephy神情凝重，面容憔悴。
「未有時間消化」
Stephy先交代分手後行蹤，她說：「其實喺發表聲明前幾日已經離開香港，想搵地方畀自己消化件事同清醒嚇，頭幾日自己唔敢睇報道，之後睇番報道同粉絲留言，知道大家好擔心。」講到分手，Stephy眼紅紅忍淚聲顫：「要回應呢件事唔容易，發生好快，喺決定分開同公開，自己未有足夠時間消化！感情始終係兩個人嘅事，咁多年要三言兩語分析好難，喺大家眼中可能覺得我哋係童話，但喺我哋真實感情裏面，我哋都好似一般普通情侶面對好多問題，當問題累積好難解釋畀大家知，變咗好難解決一件事。」
問到小牛是否最大問題？Stephy澄清說：「今次去台灣除咗放假，仲處理排球嘅事，佢只係身邊一個好普通女性朋友，大家應該用正常角度去睇，件事就唔會咁複雜。」會否擔心被誤會同性戀？她說：「其實我完全冇諗呢樣嘢，因為我角度佢只係其中一個好好女性朋友，大家唔好揣測太多，除咗傷害我哋兩個，仲傷害身邊朋友，因為始終感情兩個人嘅事，要消化處理。」
跟小牛有否發展機會？Stephy再次強調：「佢只係好好朋友，我哋可以話亦師亦友，嚟緊有排球拍攝需要佢指引，保持友好關係。」問到跟小方復合機會？她說：「將來嘅嘢隨緣，暫時我覺得可以做好好朋友，亦都希望我哋會繼續工作，希望我哋關係會保持好好。」小方認識小牛嗎？她說：「冇正式介紹過，因為排球喺9月集訓，當時小方都知呢件事。」問到覺得小方會否相信她跟小牛清白？Stephy說：「我同小方呢段時間雖然冇乜聯絡，但我覺得我哋有共識。」
小方聞小牛黑面
有指她跟小方於2月曾去旅行箍煲？Stephy否認：「當時唔係乜箍煲旅行，只係大家都去台中，有私人事去兩日。」再問分手是否不涉第三者？她說：「聲明、我嘅文章同小方都講過唔涉第三者，分手係我哋一齊決定。」對於小方日前被本報讀者「爆相爆片」目擊買酒借醉澆愁，Stephy說：「我唔信會咁，知道佢身邊有朋友同佢傾訴同陪佢，我都認識佢啲朋友。」問返港後會否跟小方聯絡？她說：「會搵適當時間，我都要唞一唞。」Stephy結束訪問後行去停車場，其間終忍不住兩度掉淚，喊到鼻都紅了。
至於舊愛小方昨亦現身機場，於下午2時許在助手陪同下飛長沙工作，兩人前後腳同處一方卻無緣相見，似乎緣份真的盡了！小方被傳媒問到知否Stephy返港？他說：「知，我哋同公司㗎。」追問Stephy跟小牛的斷背緋聞，小方黑面說：「唔回應」
方力申與鄧麗欣宣布分手至今11日，二人先後現身向傳媒交代，其間Stephy去了台灣會鄧衍敏，小方在港會朋友買酒食早餐，各有各生活。
【本月17日】
小方與Stephy透過經理人公司太陽娛樂發聲明，宣布二人和平分手，結束10年情。
【18日】
小方現身慈善活動，灑淚透露與Stephy決定分手一刻齊齊落淚，Stephy同晚飛走台灣。
【19至22日】
Stephy留台期間與TB排球教練鄧衍敏過從甚密，被影到被餵食肉糭兼有攬腰親暱動作。
【19日】
小方與男性友人在跑馬地私人會所做運動後，與友買酒隊。
【22日】
方爸爸方毓仁出席藝術活動為兒子和Stephy分手解話，表示不過問二人感情事，自言一直疼錫Stephy。
小方說知道，問到Stephy和小牛的緋聞及可有聯絡Stephy，小方都沒回應。
|
鍾意就快D Share啦！
|
|
|
