[DBS] 是咁的
剛剛放JUPAS
我DSE考得唔係太好，又怕阿媽擔心
阿媽讀書唔多，一生人既夢想就係佢個仔，即係我，入大學
因為我地D親戚街坊都無仔女入到U
放完榜無幾耐時，阿媽係咁問我入左邊間U
我心情唔多好，是但同阿媽講去讀Legal Studies
阿媽問︰即係咩嚟ga?
我︰......法律嗰D囉...
阿媽續問︰咁即係邊間學校啊?
我嘆咗一口氣︰......HKU SPACE啊... 我去瞓陣先喇
之後入房訓覺 (前一晚成晚瞓唔著)
我瞓醒覺，屙完屎之後出嚟
發現成家人都好開心，喜氣洋洋、滿心歡喜咁
原來阿爸阿媽叫曬D親戚朋友姨媽姑姐表叔表嬸今晚出去食飯
話要同我慶祝入到HKU讀法律
仲要喺我瞓覺期間用Whatsapp幫我舖天蓋地宣揚呢個「喜訊」！
收到嘅回覆係︰
「叻仔喎！中學入到男拔已經誇啦而家仲要入埋HKU！不得了！」
「嘩... 入到港大已經厲害！仲要讀LAW！恭喜曬！」
「光宗耀祖囉！幾時還神？」
( 下刪500段 Whatsapp 回覆 )
依家堅係大獲
學黃子華話齋︰「呢個世界有樣嘢係快過光速.... 就係師奶把口...」
依家成堆親戚係度自high緊......
仲吹到我係D咩... 未來大法官、法律界新星.... 甚至律政新人王...
我而家應該點做好........................................
來源 source: http://ww.circle01.com
|
鍾意就快D Share啦！
|
|
|
