香港電台節目《視點31》今早直播訪問何君堯及民主派議員朱凱廸，分別被朱凱廸及主持人質問，何君堯在個人Facebook直播時曾稱「多啲嚟，密啲手，打到佢哋片甲不留」是甚麼意思。何君堯辯稱是真情表達：「唔係真係要動粗嘅意思，如果你話我係煽動，我只係一個1%都冇。」
何君堯要求「唔好將握手事件擴大化」，辯稱「握手後，佢哋有冇打鬥，要等警察一齊去調查」，自己與任何人握手都不後悔。主持人追問何君堯，指昨日再流傳元朗、屯門一帶有幫派鬥爭，令市民不敢外出、商店落閘，質問這是否何口中的「保家衞族」？何君堯辯稱：「保家衞族只係概念，我哋一定要講和理非非。」朱凱廸形容7.21事件是義和團事變，諷刺稱：「我唔知何律師有咩角色，你啲好朋友已經着咗草啦。」
何君堯在直播訪問中一直以高聲浪攻擊朱凱廸，兩人瘋狂「疊聲」。何君堯拒絕單獨譴責打人的白衣人，一再稱「譴責所有暴力」，何又不斷攻擊朱凱廸，指朱跟示威者在同一陣線，朱凱廸回應時坦然承認「與示威者同行」，朱直斥何君堯「唔係一個人，係一個現象」，象徵着建制派煽動暴力攻擊，「你越打佢呢，佢越開心架喎」，呼籲不要破壞何的辦事處。何君堯稱：「我個辦事處，因為你啲黨友呀﹗」主持人則追問：「邊位黨友？」何君堯隨即語塞，未有立即說出任何人名，再稱「總之我辦事處被刑毀，任何人渲染暴力都唔啱」。
談到有網民發起周末「光復元朗」行動，何君堯要求必須停止所有光復行動:「太陽能呀？光復係咩意思呀？光復即係有暴力行動﹗」他又用手搭住朱凱廸肩膊，一再強迫朱凱廸:「我依家畀時間你，對住鏡頭講，公開呼籲停止光復行動」，朱凱廸拒絕理會，何君堯公然在直播中拍枱，朱凱廸不斷搖頭，對何說：「何君堯，你真係好可笑。」
當朱凱迪堅持要成立獨立調查委員會，徹查6.12及7.21事件時，何君堯突然情緒激動，「你係立法會議員，將暴力帶入議會，依家再擴大百倍」，「你簡直係人渣」，其後站起身雙手大力拍枱離場稱：「朱凱廸，你不配做我地嘅議員呀！」
有背景人聲反駁：「你都唔配呀！」
何君堯問：「你邊位呀？」
該人稱：「我係呢度員工囉，我都係香港人嚟！」。
|
鍾意就快D Share啦！
|
|
|
