熟悉科幻作品或者有睇開「老高」嘅人，相信都唔會對於「卡爾達肖夫指數」（Kardashev Scale）感到陌生。呢個由蘇聯天文學家尼古拉·卡爾達肖夫提出嘅假說，旨在以文明能夠利用嘅能源量級黎量度其發展水平。其中一級文明可以完全運用自身行星嘅所有能源、二級文明就可以完全運用恆星級能源，三級就可以用整個成系嘅能源。有說按照佢嘅計法，目前人類文明大概處於0.7級左右，不過黎緊好可能會再進一步——事關Google近日公佈「Project Suncatcher」，期望於近日軌道建立一個太陽能數據中心，換言之就係進一步運用恆星嘅能量。 | |
圖片：ImageFX | |
話說隨住越黎越多人要用AI，對數據中心嘅需求就越黎越高。但要經營一個數據中心除咗要有地方之餘，更重要嘅係大量平價電力，於是搬上太空、用太陽能推動就成為一個可能嘅方法。而Google日前公佈嘅「Project Suncatcher」，其實就係類似嘅構想。 Google嘅想法係將一堆搭載有機器學習處理器TPU嘅衛星送上太空，緊密地圍住太陽轉，一方面可以利用太陽能版無間斷提供免費電力，一方面又可以確保衛星之間嘅數據傳送速達到數據中心級別。一次過解決地球上會遇到嘅問題。 | |
 圖片：ImageFX | |
當然，呢個構想本身都有其限制。例如要維持高傳送速度，衛星之間嘅距離就必須非常短（數公里），但放得近又會好容易發生碰撞，所以點樣控制整個陣列嘅位置就係一大難關；另外宇宙幅射其實會破壞TPU晶片，換言之又想搵方法保護TPU。反而將衛星送上太空嘅成本問題可能係最易解決，Google指2030年時發送物件上太空嘅價格可能會低至$200美金/kg，計返就即係同喺地球建設同等級數據中心嘅電費產唔多。 Google亦打算於2027年時發送兩個試驗衛星上太空以進行測試，再按測試成果慢慢修正及擴大規模。 | |
資料來源：Google | |
|
鍾意就快D Share啦！
|
|
|
