女兒患病難自控被批「唔識教」港媽：一句話就抹煞了父母努力2020年12月22日11:02最後更新:11:13有特殊需要的兒童需要更多包容和體諒。一名育 ...
女兒患病難自控被批「唔識教」 港媽：一句話就抹煞了父母努力
有特殊需要的兒童需要更多包容和體諒。
一名育有特殊需要孩子的港媽在社交平台投稿發文，希望社會大眾能對他們有多一份理解，而不是拍片擺上網公審，「唔好一句『唔識教唔好生』嚟發洩你嘅不滿？」
設計圖片
港媽在「生仔要考牌系列」Facebook發文，指女兒是ADHD和自閉症的患者，雖然病情屬於輕度，但都會比較難以自我控制。譬如行為上要重複又重複，做功課又會非常心散，上牀之後可以獨自唱歌不願睡覺等等，令港媽身心疲勞。「總之，當佢手上有咩，都係可以攞嚟玩。用溫柔聲線，佢唔會聽，每一次都係要用到最大聲、最惡嘅語氣同聲線，佢先會發住脾氣去做。」
![【Juicy叮】女兒患ADHD難自控被批「唔識教」 港媽：一句話抹煞父母的努力]()
港媽希望公眾不要一句「唔識教唔好生」抹煞所有父母的努力。網上圖片
港媽坦言曾遇上不少人對她說「你唔識教啫」、「你縱佢啫」、「教到佢咁曳」、「咪點點點教囉，點會唔得啫」、「點解人哋得，你唔得」，有時聽到這些說話時，依然會感到自己「好無用」。「又唔知係唔係我懷孕時，唔知食咗啲咩，又或者無好好餵母乳，佢先會有呢個病。」
![]()
設計圖片
港媽表示，特殊需要的小朋友其實明白自己的行為不妥當，只是他們無法自控，而非他們頑皮，亦非家長不懂得教或者無用，這個病是先天，不關管教問題。她感觸最深的一句話就是「唔識教唔好生」，「有邊個唔想自己小朋友無病無痛、健健康康、正正常常、聽教聽話？你哋知唔知呢句說話，係抹煞晒所有父母，特別係我呢類情況嘅父母嘅努力？」
![]()
設計圖片
她希望，如果有天大家在街上遇到一些很頑皮、不聽話、情緒失控的小朋友，能夠更加包容和體諒，不要動輒就拍片放上網公審、不要拋一句「唔識教唔好生」去隨便發洩不滿，皆因他們都很有可能是有特殊需要的小朋友。
往下看更多文章
![*]()
