真相影片：
Youtuber Expect Us：「我公開這片段，是希望為新屋嶺慘案受害人討回公道，更希望大家將心中的失望、痛心和憤恨轉化成行動，用自已的方法，向黑狗報復。」
《知識》新屋嶺知多啲
來源：https://lihkg.com/thread/1590921/
【新屋嶺扣留心位置】
新屋嶺扣留中心位於新界北區文錦渡，附近係恐龍坑、沙嶺禽畜廢物管制中心，地理位置接近文錦渡牲畜檢疫站及文錦渡出入境管制站，同文錦渡公路及蓮麻坑路交界嘅新屋嶺村有大約十多分鐘路程。
【新屋嶺扣留中心交通】
要前往當地，首先去上水， 再去上水廣場轉去文錦渡嘅巴士73k，於新屋嶺練靶場落車，車程大約10-15分鐘，再行去對面，有條爛熔熔細路，行入去大約10-15分鐘就到門口，沿路鄉郊格局，主要出入口係單程路，出面有警車長期守住。
亦可於上水廣場搭59k小巴，同樣於新屋嶺練靶場落車。
步行時間大約一小時或多少少，前往方法，到達上水，由新豐路入寶運路，再向上水圍方向入馬會道，途經鳳溪廖萬石堂中學、鳳溪第一中學、漁農自然護理署新界北動物管理中心，再沿文錦渡公路去，途徑梧桐河、虎地坳、沙嶺遊樂場、沙嶺長甫頭公廁。
【 新屋嶺係乜地方？】
新屋嶺，除咗有嗰扣留中心，仲有條新屋嶺村，新屋嶺村呢嗰地方係本地人及客家人嘅村落，1950年代有村民130多人，條村嘅人主要姓張，張氏由深圳河北岸大村黃貝嶺過嚟，黃貝嶺就喺文錦渡附近，條村位於過境運輸通道文錦渡口岸附近，亦係蓮麻坑路口，屬於交通交界位。 村門為一道古樸圍門， 門額上塑「新屋居」，可能係新屋嶺別稱。
大J拍咗段同新屋嶺相關嘅片，片中佢去咗新屋嶺球場同一隻唐狗鬥波，新屋嶺球場正正位於新屋嶺村，不過新屋嶺村同新屋嶺扣留中心大約有一公里距離。
雖然新屋嶺位置位於文錦渡嗰度，但廣義上都係打鼓嶺範圍，不過唔少居民習慣將文錦渡同打鼓嶺拆開，因為真正嘅打鼓嶺同文錦渡有一段距離。
【 對新屋嶺扣留中心的誤會】
最常見之」誤會」，係將新屋嶺擋作香港邊境禁區內之土地。
新屋嶺一帶現時並非邊境禁區範圍內，但曾經係。
1949年6月解放軍接近深港邊界，港英政府開始喺邊界設防，香港政府根據《公安條例》，喺1951年6月刊憲設立香港邊境禁區，作為一個緩衝區，邊境禁區正式出現，新屋嶺扣留中心啱啱好位於禁區線內。
第三階段縮減邊境禁區範圍前，文錦渡邊境檢查站位於缸瓦甫路同文錦渡路交界，而第三階段縮減邊境禁區範圍後，文錦渡一帶邊境禁區已經縮到去新屋嶺村附近，近住文錦渡食品管制處。而新屋嶺成個範圍已經唔屬於邊境禁區範圍內，即係唔係禁區，基本上任何人都可以入新屋嶺。
【 新屋嶺扣留中心的過去】
新屋嶺扣留中心早喺六七暴動嗰陣已經大派用場，後來主要用作拘留非法入境者，有段時間好多人由廣東偷渡去香港，好多被捕偷渡客都會送去新屋嶺扣留中心。
【 新屋嶺扣留中心其他路】
可以由缸瓦甫路前往，由文錦渡公路方向入經禽畜廢物堆肥廠，有條村路會途經新屋嶺扣留中心，但週不時有警車巡。
缸瓦甫路可由打鼓嶺坪輋路入，泥路口入，但極多分叉路。
【 新屋嶺扣留中心警渣勢力分佈】
附近有邊界區警察總部、警犬隊總部暨警察搜查隊訓練學校、打鼓嶺警署，上水粉嶺亦有PTU、警察駕駛及交通訓練科、上水警署。
【 前往新屋嶺扣留中心危險之處】
因為新屋嶺一帶長時間係邊境禁區範圍內，所以入面發展比較慢，好多嘢十年如日，雖然地大，但冇乜理想藏身之所。
小路一帶比較多狗(真狗)。
交通疏，選擇少，73k非繁忙時間半小時一班，59k非繁忙時間半小時或以上一班。
【 離開新屋嶺扣留中心方法】
沿小路出返文錦渡公路，新屋嶺練靶場站搭73k/59k出上水。
沿小路出返文錦渡公路，往上水方向行。
往缸瓦甫路，向邊界區警察總部方向出文錦渡公路，往上水方向行。
往缸瓦甫路，向恐龍坑方向出坪輋路，坪輋路再出沙頭角公路，往上水/粉嶺方向行，坪輋路有52k/79k去上水/粉嶺，沙頭角公路有52k/79k/78k/56k去上水/粉嶺。(途經軍營及上水警署)
【 其他前往新屋嶺扣留中心方法】
1.沙頭角公路，再入坪輋路，再入蓮麻坑路，打鼓嶺新村方向去，經平原河，會見到中港圍網，對面係中國黃貝嶺及羅芳，繼續沿路會見到新屋嶺村及文錦渡公路，唔好行右，行左，行右係入鬼國方向，文錦渡公路行一陣到新屋嶺練靶場站路口。
2.龍山隧道，再入蓮麻坑路，打鼓嶺新村方向去，同上。
兩路必經打鼓嶺警署。
3.羅湖黨鐵站落，禁區居民通道出，必須持禁區紙出，沿羅湖道經紀律部隊宿舍、沙嶺墳場出文錦渡公路，往左。此方法要有禁區紙，必經邊界區警察總部。
【 新屋嶺扣留中心週邊建築物】
新屋嶺扣留中心附近有文錦渡牲畜檢疫站、文錦渡出入境管制站、香港海關出境貨物檢查大樓，一間冇名茶室。
以上建築物屬禁區範圍內，必須持打鼓嶺禁區紙出入。
禁區外有新屋嶺村、新屋嶺球場、東江水管、舊城巴一架、打鼓嶺菜社沙嶺分站、沙泥廠、垃圾站、長甫頭公廁、車房、車場、漁塘、回收場。
其他補充
假設對方將兩條通往扣留中心嘅路封鎖，可以如何？可以往山上，向住恐龍坑方向進發，再經各大小路走，但入面極多分叉路，最好沿石屎路往坪輋路方向去，由恐龍坑行去坪輋路，需要一小時或以上，不熟悉者可能入錯掘頭路，部分地方訊號差，亦有唔少真狗四處跑。
如非走頭無路，絕不建議用。
其他補充2
新屋嶺球場、新屋嶺扣留中心有一段距離，若果想去做運動者，可以坐巴士去到文錦渡關卡落車，再過對面馬路，行經新屋嶺村入，Google map都有位置。但當地啲真狗仔都係自由活動，遇到外人必定追吠，請小心注意。
其他補充3
飲食方面，附近有一所食堂，但位於禁區內，一般人不能進入，所以想食嘢，必須出返上水市區，建議自備乾糧及水。
其他補充4
如果搭小巴冇嗌落，會直去蓮麻坑村， 去到摩囉樓嗰邊有檢查站，所以發現勢色唔對路就要提早落車。
若果唔知邊個位落，可開車前提司機，亦可以到沙嶺附近叫“ 新屋嶺練靶場巴士站”， 見到一堆東江水管就好嗌， 但一定要強調新屋嶺練靶場，因為佢可能會喺前一兩個巴士站畀你落。
其他補充5
搭車離開時，若果有心想參觀下附近地方，可以去對面搭小巴入打鼓嶺，亦可以沿路行去蓮麻坑路再入打鼓嶺甚至坪輋一帶，除咗有歷史嘅新屋嶺村，仲有三和學校、木湖抽水廠、永傑書室舊址等值得一看。
飲食方面， 沿路上打鼓嶺新村有士多，有基本嘢買，茶餐廳或酒樓要入到去坪輋市集，有三間， 一間叫海燕茶餐廳，一間叫東南茶餐廳，一間叫龍威酒樓。
上水方向嘅文錦渡公路經虎地坳， 盡頭可以經過火車橋去對面， 對面就係羅湖監獄， 附近有羅太豆腐花，十幾蚊放題任食。
其他補充6
新屋嶺扣留中心做乜會興建喺嗰度？因為曾經係禁區，遠離市區， 位置喺正幾乎死嘅位，昔日被捕嘅偷渡客可以走得出扣留中心，都走唔出文錦渡範圍， 防止犯人逃離，除非躲在他人家內，否則遲早被發現，當地就似一個包圍網一樣。
其他補充7
入村或路經回收場等，或者會遇上真正嘅犬，大部分鄉郊犬都係冇綁住，可以自由活動，但遇上陌生人，九成會吠，若果被犬隻瞪上，如何是好？
建議，保持冷靜， 最好視線唔好同佢平排， 唔好即刻跑走， 通常鄉郊既犬隻大部分都係唐狗，唔會十分惡， 你應該慢慢走，記住週不時回頭望一望，可以行下停下， 通常狗仔離開自己地盤就唔會跟過嚟，你越驚佢就越唔驚， 你越跑佢就越追。
其他補充8
附近冇停車場。
若封鎖文錦渡公路，可以前往文錦渡方向嘅蓮麻坑路， 經打鼓嶺走。 若果咁都封埋，交通就會斷晒。
文錦渡公路主要都係中港車使用，或者去大陸嘅巴士，有一定重要性，但亦係嗰地方主要道路。
行人路窄，馬路比較細，大車經過比較危險。
其他補充9
此地非一般警署建築模式，外形同一個小監獄冇乜分別。
其他補充10
勿以市區角度去睇扣留中心。
ps.內裡情況就唔知道，新屋嶺呢個地方其實要去唔難，問題係要知道自己去嚟做乜先？
以上內容轉自LIHKG網民帖文，僅供參考備份
所有內容絕不代表本網站之立場。
來源：
|
鍾意就快D Share啦！
|
|
|
