「黑社會犯咗法都有警察拉，警察犯咗法係冇人拉，無法無天，真係衰過黑社會。咁我唔係警察阿嫂，係黑社會阿嫂，黑社會阿嫂俾人復仇係一個結果，因為正常途徑，市民覺得冇得申冤。」林太跟任職警員的丈夫，育有兩個小孩，9月以來最令她擔心的，不是孩子會被欺凌，而是警察的暴行如癌細胞般擴散。即使在警察圈子，黃色屬小眾，她也不會改變自己的求真性格，「你當初嫁畀警察，或者我先生選擇做警察，係想做一個正義的人，唔係咩？點解警察變質，我反而要投誠？」
林太的丈夫並非最前線的警員，他不認同警察用私刑，曾想過辭職。「我知佢唔係深藍，但運動初期，我禮貌咁請教佢，點解警察唔戴委任證，但佢覺得我挑釁佢，自此我好少喺屋企講嘢，唔知幾時先可以暢所欲言。」說着眼眶通紅，「我支持成立獨立調查委員會，有違反警例嘅警員被停職候查，咁先可以還警察清白」。丈夫則反對，其一是認為有人會轉做污點證人，不能再被追究；其二認為「偏黃」的法官不能公正審訊。丈夫在社交媒體unfriend所有持相反政見的朋友，避看新聞；她則不停留意運動的新聞，一段影片要前後反覆查看，深怕自己偏頗。
「我禮貌咁請教佢，點解警察唔戴委任證，但佢覺得我挑釁佢，自此我好少喺屋企講嘢。」
談起兩個孩子小學的情況，林太說子女沒受欺凌，「我見到嘅係，開學嗰陣啲學生只係嗌口號冇衝擊，警察去到學校門口，10個圍一個學生又有，獅子搏兔咁撲一個學生又有，咁係警察欺凌人在先。你怕自己小朋友被欺凌，所以你要欺凌人在先？呢個乜嘢道理？」但林太不會說服孩子跟自己的一套想法和價值觀，「首先屋企已經唔講時事，另外我都講唔到邊個嘅立場啱，我只能教佢哋，一件事係咪事實，唔係靠邊個講你知，唔好馴服於權威，呢啲就係批判性思考」。
警察曾在反送中運動中無出示委任證，惹來不少爭議。
「香港人喺呢個運動帶出咗一種身份認同，一個對自由、法治、人權嘅理性主張。」
「警隊入面都有人覺得，警察唔係做啱晒，呢個係事實，唔係話洗唔洗白。」林太最憤怒的是當權者縱容和包庇警察，直接造成今日「禍必及妻兒」局面。「咩叫無後顧之憂？你哋綁埋家屬上枱。林鄭任期最多五年、十年，但家屬身份係一世……林鄭政府或者之後嘅特首會同警察講：『我唔會出賣你哋。』咁警察身份就係一個特權，警察家人就係特權家庭，佢哋有好多福利，但都會孭住呢個名，俾所有香港市民厭惡。好似內地公安都有權，但市民係怕佢哋，唔係尊敬佢哋。」
林太留意到，警察圈子中有不少深藍人士，認為一國一制也沒所謂，「佢哋覺得警察係幫社會清瘀血，呢種諗法好容易；相反我嘅矛盾係好大，我住喺警察宿舍都覺得非常之羞恥」。眼見議會不公義，警察濫捕濫告，政府選擇性監警，林太認為要勿忘初衷，勇於發聲。「當初嫁畀警察，或者我先生選擇做警察，係想做一個正義的人。我咁鍾意特權我走去嫁黑社會啦，點解𠵱家係你（警隊）變咗質，我要走去投誠？」談到警隊聲譽盡喪，她不禁淌淚，「如果消防員要市民畀錢先救火，要送生果醫生先肯醫你，香港市民係應該傷心」。
「8.31太子站事件，令我好憤怒，我同老公講，你unfriend我啦，我要出啲好激嘅post。」丈夫了解她敢言的性格，沒有unfriend，甚至沒制止她加入「警察家屬連線」。「佢有話：『不如我哋移民啦。』我話，如果出咗《香港人權與民主法案》，警察冇得移民喎。」談到對警民關係，對運動未來的想法，她覺得年輕人讓她仍抱希望。「香港人喺呢個運動帶出咗一種身份認同，一個對自由、法治、人權嘅理性主張。我覺得啱就要繼續行，唔係覺得情況唔樂觀、示威者俾人拉（就放棄抗爭），如果係咁，我不如撐返政府，唔係咁樣買注。如果唔係，一啲喺呢個咁唔公義嘅社會嘅人，只會被欺壓得更犀利。」
筆者評論：
我覺得點樣都好，路是可以自己揀！到底你們的道德良知是值多少錢？一個月5萬10萬是不是買得起你們的良知？
你們警隊是群體性的，是集體負責制，不要把自己抽出來，逃避責任。
況且，你們亦是執法部門。只要有任何人犯法（包括：官員、警員）你們都有公權力可以把他們拘捕，即是說作為警察的你（你丈夫），當見到有其他警員犯法，包括：對市民行私刑、過份暴力等等，你們是可以拘捕他們的。這是法律給予你的權力。
警察們，不要再有任何籍口了！
|
鍾意就快D Share啦！
|
|
|
