如果你想今年萬聖節玩大啲，可以試下飛去羅馬尼亞，德古拉城堡搵吸血鬼兼瞓棺材，夜闖惡魔城！哪有錢？免費包機票連住宿喎，係差在你夠唔夠膽玩。 位於羅馬尼亞布朗外西凡尼亞嘅布蘭城堡，相傳就係吸血鬼德古拉所住嘅城堡，呢座建於14世紀嘅圬堡位於山林深處，地勢險要兼且大部份地方都冇窗，顯特份外陰森，所以城堡外至今仍有「夜間禁止進入」嘅警告牌。不過愈驚就愈令人好奇，如果你都想打開吸血鬼世界大門，呢個萬聖節就有機會。 Airbnb最近搞咗個活動，得獎者可以喺10月31日至11月1日免費入住布蘭城堡，只要回答「你有咩說話想親自對德古拉講？」，被選中嘅人就可免費到雙人來回羅馬尼亞機票，而且仲包住宿同晚餐添。幸運兒將會由「德古拉後人」房東Dacre Stoker迎接，而佢講明入住時唔可以攜帶大蒜同任何有蒜味嘅物品，銀器同十字架都一定唔帶得之餘，就連餐具都唔可以交叉十字擺放。 當食完晚飯之後Dacre Stoker就會帶你去德古拉伯爵嘅地窖，親自送你入棺材，瞓喺德古拉棺材過返一晚，明出之前都唔可以打開任何窗簾。至於早餐其實係有包嘅，但就視乎你捱唔捱到一晚喇，而活動結果10月27日就會喺Airbnb官網公布。參加詳情同結果睇呢度啦(https://www.airbnb.com.hk/night-at/dracula) |
來源 source: http://menclub.hk
|
鍾意就快D Share啦！
|
|
|
