話明有錢人，用錢疏爽就一定，但有啲人鐘意富得低調，相反有啲人就鐘意高調哂有錢，買名車、買外牌手袋呢啲只係普通嘢，而家既有錢人興做啲乜？就係有錢得嚟仲要有霸氣，實行要高調曬錢，呢個世界「有錢就是任性」，睇嚇全世界既有錢人點用錢「買來」霸氣！
1. 一百萬粒水晶打造既名車
你以為買得起名車就叫富豪？未算！起碼要好似呢位俄羅斯女仔Daria Radionova咁，佢唔單止買名車，最重要喺自己架車上面鑲夠100萬粒名廠出產既水晶，等唔少人行過見到，都一定停低望嚇架車先。
2. 搬新屋再燒舊屋
一般嚟講，啲人搬新屋之後就會將舊屋賣出去。但係，美國德克薩斯州一對夫婦，成家搬走再打包哂屋入面所有野之後，竟然聯絡當地工程人員，叫佢哋一把火燒左間舊屋佢，即係白白燒咗70萬美元，原因只得一個——就係佢哋太有錢。
3. 細路女曬奢侈品
係富豪家庭長大既小朋友，唔多唔少都一定會學到曬命呢回事。就好似呢位5歲既菲律賓、韓國混血細路女Breanna Youn，除咗識影相擺賣萌pose之外，仲會定時同啲名牌手袋一齊合照再放上網。據聞佢而家已經搬咗去杜拜住，過住名媛一樣既生活。
4. 買600萬既單車
要展示自己有錢，當然係買架名車，但喺杜拜就有土豪反而因為開跑車開到悶，索性買架成600萬既單車嚟踩，睇落一樣咁名貴！其實呢架單車本身賣100萬美元，但佢又係嫌唔夠豪，一於再用24K純金打造，seat位仲特登用埋鱷魚皮造，再加埋500粒藍寶石同600粒黑寶石就完成！成架車由全人手打造，用咗750個小時先整好。
5. 4億英鎊既空中豪宅
（圖片來源：https://s-media-cache-ak0.pinimg.com/736x/20/40/39/2040390cc6fcd192de13d7495ae15d24.jpg）
有錢人既豪宅當然係個個唔同，有位英國神秘富豪，用咗4億英鎊，先收購一架波音747客機，再用3年時間打造啱哂自己style既豪宅。呢架本來可以容納600位乘客既客機，經改裝後由佢一人獨享。唔好以為成架飛機好似好焗促咁，實情入面有廚房、主人房、會議廳、休息室等，絕對係間「空中豪宅」。
6. 駕車攬導彈招搖過市
導彈呢啲嘢本來應該係國家擁有，但如果你真係太有錢，分分鐘可以自己買返支。好似美國加州呢個男仔咁，佢就係街頭駕一架開篷跑車，再抱住一枝導彈招搖過市！至於佢點得到呢支導彈？原來係佢經朋友度買返嚟，係以色列制蜻蜓-2紅外格鬥彈既型號，當時佢就駕車拎住支導彈返屋企。
7. BB奶嘴鑲鑽戴名錶
英國有一個5個月大既bb，佢父母為佢準備咗一隻名錶，口裏面咬住既奶嘴更係鑲鑽既添！除咗呢啲之外，原來年紀小小既佢，衣櫃已經塞滿哂名貴衫、裝飾品，當中包括鑽石耳環、名牌手錶同手袋。
8. 4公斤重純金衫慶祝生日
有個45歲既印度企業家，為咗慶祝自己一年一次生日，不惜大灑金錢整咗件重達4公斤既純金衫嚟送俾自己。原來，呢個富豪一向都鐘意穿金戴銀，而佢今次著既呢件黃金襯衫，加埋7粒閃閃令既大金扣，就足足動員咗20個藝匠，用咗3200小時打造。
|
鍾意就快D Share啦！
|
|
|
