最近一名操普通話的女遊客與男伴日前在太平山頂觀景期間，iPhone 手機不慎掉落山下。兩人報警求助後，3 名警員到場協助，其中 1 名警員利用欄杆輔助從步道爬下撿回手機。惟事件在社交平台流傳後，隨即引發網民激烈討論，質疑是否濫用警力。
警員邊幫邊教導 直言「唔會搵命博」
根據網上流傳一段約 2.5 分鐘的抖音影片，事發時有警員在太平山頂步道的石堆間行走尋找手機。步道上的警員不斷向年輕女子及同行拍攝的男子說教，表示「我哋應該唔同你執㗎，警察都係人，阿叔都講得啱啦，唔會搵條命同你博㗎，啱唔啱呀，我哋都打份工㗎咋，其實應該唔同你執㗎」。
該名警員續指，「你自己唔小心㗎嘛，係咪先？大風跌咗電話你都要自己去睇下點樣搞㗎嘛，唔係搵警察嘛，係咪呀？人哋阿叔就明白呀，搵條命同你搏？當份差㗎咋，我哋打份工㗎咋，你記住」。期間警員要求女事主出示證件登記個人資料，另一名警員更以普通話向她表示：「那麼年輕，你也不走下去，要我們老頭子走下去，還有你看到我們嗎？我們很重的」。
成功撿回手機後 要求小紅書發片讚好
最終，負責爬下山的警員成功找到 iPhone 並交還給女事主，兩名遊客連聲以普通話說「謝謝」。爬下山的警員回到步道後，向同袍表示「我爬過好多次我先敢落」，並提醒兩人「小心啲呀，下次」。
當男子繼續用手機拍攝影片時，負責說教的警員指出「唔好影啦，先生，跌咗落去我哋唔會同你執㗎，唉」。另一名警員則說，「唔係，你影唔緊要呀，你影呀，你影完你同我讚佢，你返去你同我小紅書，你同我讚呢個阿 Sir（幫忙撿手機的警員）」。
網民反應兩極 質疑濫用警力
影片公開後，雖然有網民讚賞香港警察的熱心服務，稱讚「依個阿 Sir 真係要讚」、「說好香港故事」，但更多網民批評報警者浪費警力。
有網民表示不解：「乜跌嘢可以叫警察來執？」，亦有人質疑警察的行為是否有必要：「呢幾位阿 sir 熱心幫助遊客／市民，抵讚。另一方面，遊客有否浪費警力？下次手機跌落海，係咪要動用水警蛙人幫你執手機？」、「會唔會全港跌咗電話打 999 就幫手執返」、「開咗個頭，即人人都得」。
有網民擔心影片會成為先例，「仲叫人 up 小紅書，真係自找麻煩了，以後大把人有咩事就報警叫免費工人執嘢了」，質疑此舉可能鼓勵更多人因丟失物品而報警求助。
來源：AM730
分享到 :
最新影片
Follow 我們 :
|
鍾意就快D Share啦！
|
|
|
