【影視】《媽的多重宇宙》楊紫瓊、關繼威分奪金球獎女主角、男配角 #楊紫瓊 #金球獎 #關繼威

一年一度影視盛事，美國金球獎於美國時間週二舉行，其中去年叫好叫座電影《媽的多重宇宙(EverythingEverywhereAllatOnce)》嘅楊 ...

一年一度影視盛事，美國金球獎於美國時間週二舉行，其中去年叫好叫座電影《媽的多重宇宙 (Everything Everywhere All at Once)》嘅楊紫瓊以及關繼威，分別獲得音樂劇/喜劇最佳女主角，以及最佳男主角殊榮。
Michelle Yeoh of@allatoncemovieis taking home the W for Best Actress Motion Picture - Musical or Comedy!#GoldenGlobes ????@raviebpic.twitter.com/HyqfDLPpg5 — Golden Globe Awards (@goldenglobes)January 11, 2023
“Shut up please.” Golden Globe WINNER Michelle Yeoh ????pic.twitter.com/VwoicHTonj — A24 (@A24)January 11, 2023
金球獎嘅最佳男、女主角獎，有再細分為「戲劇類」以及「音樂劇/喜劇類」，而楊紫瓊就擊敗《Babylon》嘅Margot Robbie、《The Menu》嘅Anya Taylor-Joy、《Good Luck to You, Leo Grande》嘅Emma Thompson以及《Mrs. Harris Goes to Paris》嘅Lesley Manville，成功獲得音樂劇/喜劇最佳女主角嘅榮譽，係繼2019年Awkwafina (中文名林家珍) 憑《The Farewell》拎獎後，史上第二位獲得金球影后頭銜嘅亞裔女演員。 楊紫瓊致詞時，台上亦發生一段小插曲。卻說佢致詞到一半時，大會因為想趕進度而播出音樂，試圖逼佢快啲講完。點知楊紫瓊立即對後台講「收聲唔該 (Shut up please)，我真係打爆你哋架 (I can beat you up, seriously)。」
A night to remember for Ke Huy Quan! ???? Congratulations on your win!#GoldenGlobes ????@RAVIEBpic.twitter.com/Axk5RIZ6Wd — Golden Globe Awards (@goldenglobes)January 11, 2023
而於《媽的多重宇宙》中飾演楊紫瓊老公，時隔多年回歸影壇嘅關繼威，就擊敗Brad Pitt、Eddie Redmayne等對手，奪得最佳男配角獎。佢致詞時特別多謝當年搵佢拍攝《Indiana Jones》嘅導演Steven Spidlberg。而Steven Spielberg亦憑《The Fabelmans》奪得最佳導演、戲劇類最佳電影兩個大獎。而《The Banshees of Inisherin》就成為當晚大贏家，除咗贏得音樂劇/喜劇類最佳電影、最佳劇本之外，Colin Farrell仲成為音樂劇/喜劇類影帝。
.@houseofdragonis taking home the award for Best Drama Series!#GoldenGlobes ????@RAVIEBpic.twitter.com/Iqi4RuMTfj — Golden Globe Awards (@goldenglobes)January 11, 2023
劇集獎項方面，HBO嘅《House of the Dragon》成功奪得戲劇類最佳劇集，而Zendaya就憑《Euphoria》首次成為金球視后。

本文作轉載及備份之用 來源 source: http://menclub.hk

鍾意就快D Share啦！

下一篇 》