雲海昨日在 Facebook 又再一次講起徐步高案件，引起網民熱議。
不知為什麼，我當年講述徐步高案件的節目內容忽然間在網上被炒熱，由今朝起身到而家不斷有人話俾我聽，並叫我回應一下，可能D人忽然發現當時有份調查其報告案件既人係偵緝高級督察游乃強及刑事部主管李家超！才覺得可能當年案件真係有問題！
梗係有問題仲記得大約10多年前，我在香港新浪網，講述了三集約十五段 (第二頁有片) 有關徐步高案件的來龍去脈，並且仔細地講述整單案件所有不合情理、反駁、做假的地方等等！我仲好記得當時接近100%嘅網民係我節目留言板一面倒責備我，認為我太過陰謀論、認為我唔應該唔相信政府、認為我唔應該唔相信執法人員……
唉！嗰陣時我覺得好離奇，乜全香港啲人都盲㗎！成單案擺明做假個喎！點解咁得意嘅呢！而最離奇嘅並唔係呢樣野，而係當我做完呢三集節目，某一晚我係尖沙咀行緊返屋企途中，咁啱撞到我一個當時仲仍然係老友嘅人，佢行埋你同我講，警隊裏面某一位相信係重案組嘅人托佢同我講：「你叫雲海唔好再查落去因為當中係牽涉到警隊某D秘密！相信佢再查落去嘅話會冇命！」
咁呢個到底係善意提醒定係恐嚇呢？然之後我話俾你聽，我諗全香港繼續去調查呢單案嘅人就只剩低我同翁靜晶，我哋呢個係仲多人眼中係痴線佬痴線婆嘅人物，我哋之後討論過關於呢單案嘅疑點以及調查方向，可惜嘅係線索後來都中斷晒，查唔到落去，並唔係嗰位托朋友溫馨提示我嘅人成功！我當然相信成單案件都係一個局，徐步高係一個代序羔羊，甚至牽涉中央政府！所以講真我呢個小薯仔點查落去啊！
不過最諗唔到嘅事過咗10年，新一代先至會覺得我唔係痴線！而係個政府痴線！我都有少少恩慰！
Part 2. 以前無提過，昨日第一次講:
我之前回應左整件事，諗諗吓既然而家呢個時代比較開明，我就不如再講多一樣十年前我喺 Sina 節目都冇提過、我係任何文章都冇寫過嘅另一件陰謀論！
要知道若果你真係有心去睇所有指向徐步高嘅證據當然係自己警方搜證㗎就係靠呢啲搜證來上死因庭，一面倒指控徐步高殺人搶劫等等，因為死因庭並冇徐步高嘅辯方律師為佢洗脫嫌疑！咁我想講咩呢？
話說呢單案件發生係2006年3月17號星期五凌晨一點幾（希望我冇記錯），事件發生後嘅即日已經有晒鑒證科同警務人員現場搜證，如果有睇我節目當年，講到第二日就已經叫食環署清洗成個隧道！陰謀嘅事就發生係七個月後，2006年10月20號深夜凌晨，有組織罪案及三合會調查組即係O記，帶着八個職員去到案發現場帶被封鎖現場嘅膠條攝錄機等等，以我嘅理解就係想喺現場製造一個佢哋想嘅現場環境證據，放滿佢哋想要嘅道具，拍攝低用作後來死因庭嘅證據，由於徐步高係冇辯方律師根本就冇可能質疑上庭嘅資料係咪真實！幾恐怖可！但當晚咁橋有一位記者想回到隧道就撞到呢班警察，咁班警察當然好愕然就表示即刻收隊離開！但係當然你可以想像佢隨時可以喺死因庭開之前在凌晨返到隧道做呢場大龍鳳，即係話其實上庭嘅所有證據都可以係假㗎！都可以係偽造！同埋用客觀啲去諗你七個月先返到現場搜證？有冇可能呀？除咗刻意做假之外我諗唔到第二個原因！當然我手頭上完全冇嗰八個O記嘅同事名單，就算有都要佢哋肯出嚟指證警方做假，10年後要佢哋咁樣做真係難過登天！
呢單野我從來都冇講過！嗰個溫馨提示嘅警員叫我唔好再查落去㗎嘛！真係越查越恐怖！咁依家就比大家參考吓！
當年2006年主理徐步高案嘅高級督察叫游乃強，游乃強今時今日已經晉升為元朗區助理指揮官（刑事）。而游乃強既上司叫總警司蔡建祥，退休後旋即創立中華精忠慈善基金會，三年內聯絡了十多家中學，舉辦了多次前往北京蘆溝橋、南京等抗日戰場的百人學生訪問團，並從兩岸邀請了多位抗日名將像謝晉元、吉星文、高志航等將軍的後人，與學生分享父輩當年的抗戰事蹟，要讓香港年輕人知道愛國精神！而當年游乃強嘅頂頭上司就係李家超，當年親自負責徐步高案的偵緝事務。2007年1月，李家超獲晉升為警務處高級助理處長，擔任刑事及保安處處長。2017年再被委任做保安局局長，破例成為第一位警隊出身嘅局長，警務處處長反成為其下屬。
後記:
小編有記者朋友曾問過雲海同翁靜晶當年究竟查到啲咩？但佢哋守口如瓶，苦苦追問下只提供了兩個線索…
1. 你肯定只有一個「徐步高」?
2. 試下對比所有徐步高嘅相找線索
雲海嘅意思係咪指三單兇殺案裡面，其實有兩個「徐步高」? 死咗嗰個徐步高究竟係有份犯案定無辜被頂罪 ? 會唔會有三個「徐步高」或更多 ? 係咪同警隊高層有關 ? 會唔會有人查到啲嘢，所以先被滅口？雲海無再回答，佢只係話可能牽連好大 !
|
鍾意就快D Share啦！
|
|
|
