96年亞姐冠軍陳煒（煒哥）入行接近20年，3年前轉投TVB即被器重，今年憑住台慶劇《梟雄》「桂生姐」一角首次角逐視后，同汪明荃、田蕊妮、胡定欣等爭奪視后寶座。獎項競爭激烈，一套紅地毯戰衣亦可以突圍而出。為隆重其事，日前煒哥搵嚟時裝設計師老友何國鉦（Dorian Ho）幫佢Tailor made deep V落肚臍養眼戰衣，淨係個勢已經贏咗。Dorian激讚煒哥fit爆model身形，加上胸形靚，高貴又得體。」氹到煒哥笑騎騎說：「咁到時我唔使帶push up bra」
《頭條日報》記者日前訪問煒哥試戰衣，身穿Deep V晚裝配千萬鑽飾，42歲煒哥充滿貴氣，連何國鉦都讚不絕口：「佢身形比例適中係標準model身形，而且V領可以突出佢咁靚嘅鎖骨優勢，到時可能轉用花布物料等佢可以企喺咁多姐仔中更加突出。」
連何國鉦（右）都激讚煒哥身材fit到漏油。
最近煒哥不僅被黃秋生激讚美艷動人，連Dorian都讚她，氹到她眉開眼笑，不過就坦言未敢諗拎視后，「其實《梟雄》套劇有咁好反應經已好開心，我真係冇諗過有份參與角逐視后，唯有急搵老友幫手搞戰衣，條裙真係好靚。」
人紅容易被人翻舊帳，對於獲TVB同性高級編導銀少筱照顧，跟「死敵」萬綺雯（蚊蚊）惡鬥十幾年等傳聞，煒哥都一笑置之：「我同蚊蚊有乜好鬥呀？各有長處，我地合作《東坡家事》仲好開心，冇嘢喎。」
煒哥之後又解釋，自己是一名喜歡拍戲的人，所以才簽TVB：「我簽無線都係呢個原因，我滿足、享受自己嘅工作就夠，加簽TVB同向蚊蚊復仇冇任何關係，我地係好同事關係。至於傳俾同性高編『厚愛』獲加戲，連我老公都話：『睬佢都傻』」
來源 source: http://bastillepost.com
|
鍾意就快D Share啦！
|
|
|
