Kelly陳慧琳為演唱會主題曲《Let’s Celebrate》拍MV，除了舞蹈藝員跟Kelly狂跳，更請來一班型男Model晒腹肌陪Kelly狂歡，現場的人嘩嘩聲，但到Kelly性感現身時，一眾型男高呼OMG，歡呼及口哨聲不斷。
面對火辣型男，Kelly說最初也有少少尷尬：「佢地夾住我喺中間，我摸又唔係，掂又唔係，最初都有啲唔知點好，後來死就死喇，都要放開啲拍出來先好睇架，就有掂下，碰下，又有摸下少少咁囉。哈哈。大家熟咗就冇事，我地都係專業架嘛！」Kelly說不怕老公呷醋：「我都係拍MV，工作嘛，佢好了解。」
自言七年無蒲過夜店的Kelly踏入MV拍攝現場時感到十分興奮，突然回憶起過去可以夜蒲的日子：「好多年冇去呢啲地方玩， 我記得有一年係萬聖節玩得最癲，扮鬼扮馬係蘭桂芳玩，玩完即刻上機飛去溫哥華做騷，因為時差飛到過去個邊都仲係31號，變咗又過多一次萬聖節，又再出去玩多次，連續瘋狂兩晚，嗰次真係好開心，尤其係萬聖節，我最鐘意啲鬼呀、古怪、恐怖刺激嘢 ，當然再出去玩過！老實講我成世人，我只係去過三次夜店玩，哈哈哈，我人生係咪好苦悶呢？所以連拍MV呢啲環境都會興奮囉！」
Kelly說拍MV當日先知自己瘦咗咁多，諗住自己咁高，著S碼褲都OK，點知瘦到邊跳邊甩，一路拍跳舞嗰啲鏡頭，一路抽褲頭：「後來要補幾針釘窄條褲頭先搞得掂。」
為下月在紅館舉行的演唱會特別炮製的《Let’s Celebrate》由阿Mark雷頌德作曲、小克填詞，Kelly謂阿Mark覺得二十周年慶祝一定要有一首開心熱鬧的快歌，早前Kelly將排舞片段上載FB不足三日有過百萬人睇過，令到她非常開心。
Kelly亦有留意歌迷留言，見到大家滿意令她充滿力量：「其實今次演唱會同過去真的好不同，不單只這首狂跳架，今次有一半都會係快歌跳舞，我每晚連發夢也夢到自己喺到跳舞，排完舞又要跟老師操唱功，體能上需要很多力量最近愈來愈瘦，啲衫褲改完又改，我已經瘦到唔可以再減啦，要食返正常餐，先夠能量去做到跳舞動作同唱歌！」
|
鍾意就快D Share啦！
|
|
|
