曾於1997年憑《鐵達尼號》奪得奧斯卡最佳導演嘅James Cameron，近日公開批評奧斯卡長期冷落科幻片，更特別為《沙丘瀚戰》導演Denis Villeneuve兩度未能入圍最佳導演獎感到不值。James Cameron更直言，自己唔係為討好評審而拍電影，而係希望拍出能夠真正吸引觀眾入場嘅作品。 | |
| |
James Cameron最近為宣傳新作《阿凡達：火與燼》接受加拿大傳媒《The Globe and Mail》訪問，提到奧斯卡頒獎禮自2029年起改由YouTube直播時，呢位加拿大導演坦言：「我好少諗奧斯卡啲嘢，應該係話專登唔去諗。去到呢個階段，我真係唔會擺佢哋喺心上。可能係因為我拍戲嗰陣，根本就冇諗過要迎合佢哋嗰套口味。佢哋一向都唔太鍾意表揚《阿凡達》呢類、或者任何科幻電影。科幻片幾乎從來都得唔到應有嘅認可。」 隨後James Cameron更點名Denis Villeneuve為佢抱打不平：「好似另一位加拿大導演Denis Villeneuve咁，佢拍咗兩部非常精彩嘅《沙丘瀚戰（Dune）》，但結果呢啲戲好似自動變出嚟咁，因為佢竟然冇被提名最佳導演，甚至連導演工會（DGA）都冇提過佢。即係咁，OK你可以去玩追逐獎項嗰套遊戲，又或者玩我鍾意嗰套，就係拍啲真係有人會入場睇嘅戲。唔好意思。」 | |
 | |
正如James Cameron所講，雖然Denis Villeneuve執導嘅兩部《沙丘瀚戰》都未能入圍奧斯卡最佳導演獎，但電影本身其實唔算完全被忽視，第一同第二集都分別奪得6項及2項大獎，只不過清一色係最佳音效、最佳攝影、最佳剪輯、最佳藝術指導、最佳視覺效果等技術類獎項。 事實上，奧斯卡多年嚟對科幻片嘅肯定，普遍只停留喺技術層面；至於最佳影片、最佳導演及表演類等「核心」獎項，科幻片往往都難以突圍。即使著名科幻經典亦唔例外，就好似科幻影迷多年嚟仍然意難平嘅《ET外星人》，當年都輸畀傳記片《甘地》錯失最佳影片。 | |
資料來源：screenrant |
|
鍾意就快D Share啦！
|
|
|
