【炎上】《Barbie》官方Twiiter支持「Barbenheimer」惡搞創作惹日本網民不滿揚言抵制 #Barbie #夏尉喻

近期荷里活兩部大作《Barbie》及《Oppenheimer》因為同日上映，而且內容反差極大，在網上掀起一股名為「Barbenheimer」嘅風潮，並 ...

近期荷里活兩部大作《Barbie》及《Oppenheimer》因為同日上映，而且內容反差極大，在網上掀起一股名為「Barbenheimer」嘅風潮，並衍生出大量惡搞海報及劇照，例如粉紅色蘑菇雲、Oppenheimer著粉紅色西裝，Barbie樂園遭原爆襲擊等等。《Barbie》官方Twiiter亦唔執輸跟上潮流，到有關照片留言表示「這將會是一個值得銘記的夏天」，結果引起大批日本網民不滿，認為官方唔應該支持網民用原子彈開玩笑。
Barbenheimer惡搞圖
隨住「Barbenheimer」熱潮出現，近期網絡上出現一系列惡搞Meme，起初都只係Margot Robbie同Cillian Murphy同框嘅海報、將《Oppenheimer》場景P到變粉紅色，但後來愈玩愈「地獄」，開始製作Barbie樂園遭到原爆襲擊，升起粉紅色蘑菇雲等合成照片。
It's going to be a summer to remember ???????? — Barbie Movie (@barbiethemovie)July 21, 2023
然而，《Barbie》官方Twitter唔單只冇對上述行為作出糾正或譴責，更加入風潮到有關合成照留言支持：「It's going to be a summer to remember」，結果引起唔少日本網民不滿，紛紛以英文批評《Barbie》官方帳號唔應該支持用原子彈開玩笑，並指出1945年8月（廣島原爆）確實係一個值得銘記嘅夏天，同時貼出原爆受難者照片，揚言要抵制《Barbie》及Barbenheimer風潮。 與此同時，「#キノコ雲（蘑菇雲）」、「#原爆ネタ（原爆梗）」、「#バービー日本撤退（Barbie撤出日本）」、「#NoBarbenheimer」等關鍵字亦一度登上日本Twitter熱搜榜。
https://t.co/sqgKYUnGgs — じんじん (@aoinklike)July 31, 2023 It's going to be a summer to remember ????????pic.twitter.com/w8cyuTNFU0 — ぴんべぇ (@PINBE_)July 30, 2023 It's going to be a summer to remember ????????#NoBarbenheimerpic.twitter.com/eZh3JZQef8 — 焼肉マンセー第五共和国 (@mankodaisuki58)July 31, 2023 バービーの映画は公式がもう完全に原爆やキノコ雲のミーム化に乗っかってるから駄目だ。ファンが盛り上がってるだけで公式にはその意図がなかったなんて言葉じゃ救いようがない。終わってる。#NoBarbenheimerpic.twitter.com/ONg4YJeigO — かろ (@aqbl_000)July 30, 2023
《Barbie》將於8月11日於日本正式上映，而《Oppenheimer》就仍未確認上映時間，未知今次風波會否影響《Barbie》日本市場票房。
資料來源：ねとらぼ

本文作轉載及備份之用 來源 source: http://menclub.hk

鍾意就快D Share啦！

下一篇 》