裕美原名和田裕美，爸爸係日本人，當年憑一臉稚氣並以擁日本血統為賣點殺入娛樂圈，代表作有《搭錯車》、《雪映移城》、《少女大帝》，2007年拎過新城勁爆新登場女歌手獎。可惜多年來娛樂圈發展一直半紅不黑，但感情生活卻多姿多彩，身邊男伴氹氹轉！
陳柏宇 2007 – 2009
歌手陳柏宇與裕美同為2007年樂壇新人，有傳裕美發動短訊攻勢追求男方，最後拍拖同居。當時兩人公開否認戀情，但陳柏宇2016年接受電台訪問時終承認雙方曾拍拖。
張彥博、鄧應祈 2012 – 2013
2012年，有傳裕美與歌手張彥博相戀，更已達談婚論嫁階段，但有指她與鼓手鄧應祈在車廂激嘴，令婚事告吹。後來裕美否認同張彥博拍拖，反而公開承認鄧應祈先係佢真正嘅男朋友，最後兩人喺2013年分手。
林恩浩、黃子恆 2013 – 2016
裕美喺2013年極速與同為基督徒的圈外男友林恩浩拍拖，同年底即閃婚，但結婚兩年就被爆出佢2016年背夫搭上TVB藝人黃子恆！佢例牌否認指控，但承認與丈夫正辦理離婚手續，同時暗示遭家暴。後來裕美同丈夫家人及好友不斷互插爆料，最後更爆出與黃子恆嘅情慾短訊。兩人最終不得不承認「拍過拖」，但明言已經分手，亦無打算復合。
意英混血兒Alex、林作 2017 – 至今
到2017年，剛剛離婚的裕美又極速搭上意英混血兒Alex。據報導 Alex 家住半山，是年輕財俊，原本在意大利米蘭生活，任職滙豐嘅私人銀行後被派駐香港，負責股票基金投資項目。之後辭職開辦網上語言學校「Fluent Up」，身家豐厚。兩人拍拖後，不夠幾個月便四出遊埠，更高調地在社交網站上不停上載合照放閃，更揚言不排除再婚。2018年10月林作公開表示喜歡裕美，之後又話要從Alex手上橫刀奪愛。到今年1月，有傳林作已追到裕美，更被拍得雙雙到北海道旅行，裕美又例牌否認戀情，但宣布去年12月已和 Alex 分手，並強調雙方分手不涉及第三者。今日4月24，裕美又被記者踢爆在林作書房錄製短片，兩人疑似同居，但一樣例牌否認。
裕美的愛情觀
今年30歲嘅裕美變得愈大愈靚，比少女時更清秀，而男伴亦一個比一個有錢。裕美近日亦剖白自己嘅內心世界：「人性都係渴望愛，尤其我係單親家庭，媽咪好傳統，但佢永遠唔會攬我一下，同講一句我愛你，其實媽咪係愛到我死，女仔好易投放咗喺男友身上，過往男朋友都會同我講，唔好當我係你老竇，我會好㷫，想尋覓完整家庭愛，係我拍好多次拖原因，唔係我搵藉口，係心理上需要。」
裕美稱感情中出現問題，外人不容易看到，而她身邊有不少朋友都有類似問題，她更指：「關係已降至冰點，兩人毫無感覺、關係，甚至其實唔再彼此關心，卻又因為多年嘅感情、共同生活、習慣，無法一時三刻分開…… 呢個時候，其中一方喺生活中毫無溫暖、甚至被對方冷落、粗暴對待嘅情況下，在外面遇到新的人，自然會產生情愫，因為關係裏的對方，其實早已唔care。」
她指自己當年就在這個死症中，更明言「面對有名無實的關係，我認為想馬上展開新的生活」。
相關文章:
|
鍾意就快D Share啦！
|
|
|
