《東張西望》日前找來一位被大陸妓女騙財騙心嘅中年阿叔 – 黃生，訴說自己被騙經過。黃生話初初是從叫雞開始認識那名妓女，叫多幾次熟落後就開始傾偈、傾心事 … 黃生以為可以用錢換到真愛，幻想最後可以同妓女開花結果，可惜一切只係佢一廂情願。
一開始那妓女已經不斷問黃生借錢，從最初借一萬人民幣去整容，幾個星期後表明不還錢，當時黃生不介意，錢沒有了可以再賺：「嗰萬零蚊算啦，我自己攞得出就當幫你啦」原來該妓女很會哄人，6年來偷心有術，軟硬並施，搞到黃生愈踩愈深。
妓女講到自己身世好慘，阿媽不幸慘上乳癌，要黃生再借6萬人民幣給佢做孝女。妓女扮可憐，話自己迫不得已做雞都為咗賺錢醫阿媽，最後成功打動黃生畀錢。
後來妓女又話阿爸常常打電話畀佢，指鄉下有塊地要起屋，黃生出於好心又決定幫佢，一次過就畀咗18萬人民幣。之後妓女又話肝臟有個腫瘤要返大陸做微創手術，需要人民幣10多萬，黃生聽完當然係於心不忍，即時匯款畀佢。
黃生有叫過嗰個妓女轉行，始終會有年華老去嘅一日，不可能長期做雞，不如同佢結婚：「我同佢講叫佢唔好做，不如我哋結婚！」想咗一段長時間，妓女終於答應佢上岸，但又馬上追問黃生可以畀佢幾多禮金，黃生答應過數20萬畀佢。
禮金就收咗，妓女真係肯上岸，但都未結婚就再迫黃生幫佢借錢、籌錢去做小生意… 黃生連金錶都拿去典當，前前後後總共被騙咗200萬人民幣。直至最近，妓女又獅子開大口，話邊個可以畀佢300萬人民幣，佢就同嗰個人過世，黃生終於心碎，到嗰一刻先醒來。
《東張西望》:
來源 source: http://circle01.life
|
鍾意就快D Share啦！
|
|
|
