上個月我搭 lift，要由地下搭到三十樓。同我一齊入 lift 嘅係一對母子。個細路睇落得十歲，佢老母睇落三十幾，正值狼虎之年，風韻猶存。
我撳 30 樓，個細路仔撳 10 樓。關門之後，個細路仔同部 lift 鬥快。部 lift 未到二樓，個細路已經逐層逐層撳到三十樓。
我想打柒個細路，但佢有佢撳 lift 嘅自由，我唔可以剝奪人哋嘅自由。
我問候佢娘親，佢娘親講咗句：吹咩？搭 lift 係咁架啦，有錢坐直升機呀笨。
我指住佢老母個鼻：正一有爺生冇乸教，你個仔咁做同亞記逼你睇《魚樂無窮》有咩分別呀？
佢老母：做咩呀？阻住你咩而家？點解班人阻住條馬路就得，我而家又唔阻得？
我：點同呀，人哋係為咗公義，你個仔咁做係為咗公義咩？
佢老母：而家撳 lift 犯法咩？逐層撳又點呀？吹咩？
細路：唔通你嗰層係寶，其他樓層就係草？
「叮」，lift 門開咗，係三樓。
我：屌你老母有乜嘢咁好玩呀？而家 lift 外面有人唱歌跳舞咩？定係有條囡準備入 lift 幫你含呀？抑或係你未見過走廊，要逐層開 lift 門同啲走廊談戀愛呀？
細路仔同佢老母冇聲出。去到五樓，我出 lift 搭第二部。
尋日我落街食早餐，先知嗰部 lift 壞咗。一到地下，就見到業主立案法團主席大發雷霆：你老味又壞 lift，電梯公司點做嘢架？
我：未必係電梯公司嘅，可能係住戶問題架。前兩日之嘛，有個細路仔由一樓撳到三十樓，部 lift 層層停，唔壞就奇喇。
主席：你話住十樓嗰條細路？我話咗佢好多次，佢老味仲夠膽玩 lift？
我：點止呀，佢老母仲幫住佢添。
幾日之後，主席叫齊咁多戶開業主大會。我冇去，亦唔知件事後來點樣，畢竟唔係由我決定，係由咁多位業主決定。
來源 source: http://ww.circle01.com
|
鍾意就快D Share啦！
|
|
|
